Monday, July 30, 2012

බිංදු - 8


                                    
ඉඩොරය දැඩිකමට වැව තරමක් සිඳිගොසින්ය. වෑකන්ඩිය හාත්පස රොන්මඩ සහිත ඉවුරු කිරිබත් කැටමෙන් ඉරිතලා ඇතත් කන්නය පොෂණය කිරිමට තරම් ජලය වැව සතුය.
                             කුහුඹුවකු මෙන් ඈතින් පෙනි නොපෙනි ගම තුලට ඇදී ආ ජිප් රිය මහවැලියට අයත් නොවන බව නිච්චියටම වැටහෙන්නේ රිය බඳෙහි තඩි අකුරින් පින්තාරු කර ඇති පො..ලි..ස්.. යන වැකියෙනි.කරත්ත පාරේ දුහුවිලි රොටු ඉහලට විසුරුවමින් පැමිණි රිය සිරිමල්ගේ නිවස අසලින් නතර විය.
  
" ම්..ගෙදර කවුද....? අපි පොලීසියෙන්...."

කාකි ඇඳුමින් සැරසුනු හැඩිදැඩි නිලධාරියා තම සහයකයින් සමගින් ගෙයි එලිපත්තට පියවර කිහිපයකින් ලඟාවිය..

  "ඇයි මහත්තයෝ කාටහරි කරදරක් වත් වෙලැයි...?"

දෙපොට තදවන්නට ඇඳසිටි සරමෙහි උඩු පොට මුදාහරිමින්ම සියදොරිස් නිලධාරියාගෙන් විචාලේය

" කලබල වෙන්ට කාරි නෑ ලොකු උන්නැහේ....බිංදු කියන්නේ ඔහේගේ කවුරුවත්ද..? "

තරමක් සන්සුන් නමුත් ගැඹුරු ස්වරයෙන් පොලිස් නිලධාරියා විමසීය

" මහත්තයෝ ඒ මගේ ලොකු කොලූගේ දරුවා නේව.."

" එකත් එහේමද..... කෝ දැන් ලමය ගෙදර ඉන්නවද ලොකු උන්නැහේ "

  පාසැල ඇරි ගෙදරවිත්, බිසෝ සමග දහවල් ආහාරය ගනිමින් සිටි බිංදුට.... ගේයි ඉදිරිපසින් ඇසෙන දෙබසේ තමා ගැන කතිකාවන බව වැටහිනි. හුන්තැනින් නැගීසිටි හේතෙම ඉදිරි දොරවෙත ආයේය...

 " සර් මම තමයි බිංදු ඇයි සර්...? "

" හේම්...තමුන්ටද.. බිංදු කියන්නේ.. කලබල වෙන්ඩ දෙයක් නෑ බිංදු අපිත් එක්ක පොලිසීයට ගිහින් එමුකො..පොඩි විස්තරයක් දැනගන්ඩ තියෙනව ඔය ලමයගෙන්....."

" ඇයි මහත්තයෝ මගේ දරුවා මොන වරදක් කලාටෙයි පොලිසියට ගෙනියන්ට තනන්නේ..."

 අඩියට දෙකට දිව ආ බිසෝ...බීතීයෙන් බින්දුව තම තුරුලට ඇදගත්තාය.

" ආ මේ බිංදුගේ අම්මා වෙන්ට ඇති...තමුන්ට කලබලවෙන්ට දෙයක් නෑ. කට උත්තරයක් ලියාගෙන      ලමයව ආපහු එවනවා..... උදේම පොලිසියට ඇවිත් ලමයව එක්කන් එන්ඩ පුලුවන්....
ම්....හරි බිංදු අපිට පරක්කු වෙනවා...සාජන් මේ ලමයව ජිප් එකට දාගන්නවා ...."

  තම සහයකයාට නියොග කල නිලධාරියා රිය ඉදිරි දොර විවර කලේය.

" අනේ මයේ පුතේ උඹට දෙයියන්නේම පිහිටයි පරිස්සමෙන් ඉඳපං අපි උදැහින්ම එඥං ..."

  රිය පිටුපස අසුනේ හිඳි බිංදුගේ දැත් දැඩිව අල්ලාගත් සියදොරිස්ගේ මහළු දෙනෙතින් කඳුලු කැටියක් කඩා හැලින

 කරකියාගත දෙයක් නොහී බිංදු රැගත් රිය දුහුවිලි රොත්තකුත් රැගෙන...  කඳුලින් බොඳවු දෙනෙතින් මැකි යන අයුරු  ඉදිරි දොර පියස්ස පාමුල බිසෝ බලාසිටියේය.......

-------------------------------------------

 ජාතික ඇඳුමෙන් සැරසී කඩිනම් ගමනින් පංසල් වත්තට ඇතුලු වූ ලොකු ඉස්කොලේ මහත්තයා ආවාසගෙයි දොරකඩටම එනතෙක් තමන්දෙස බලාසිටි ලොකුහාමුදුරුවන්ව නොදුටුවේය.

  " අපේ ලොකු හාමුදුරුවනේ.....ඔබවහන්සෙට අසනිපයක්වත්දෝ කියල මට සැකහිතුනා වහාම එන්ටය කියලා පයිංඩයක් ඒවාලා තිබිච්ච නිසා.."

" ම්...ලොකු ඉස්කොලේ මහත්තයා ඔන්න ඔහොම ඇඳිගත්තා ඥං.."

තම සුපුරුදු හාන්සි පුටුවේ දිග ඇදුන ලොකු හාමුදුරුවො මුල් ගුරුතුමා ඇමතීය...

" හරි වැඩක්නේව අපේ ඉස්කොලේ මහතයෝ වෙලා තියෙන්නේ...අපේ බිංදු කොලුව පොලිසියෙන් ඇවිත් කුදලන් ගොහින් නේව කට උත්තරයක් ගන්ටය කියාලා..."

"හැ..අර අහවල් එකටෙයි අපේ හාමුදුරුවනේ...ඒත් මං දන්න තරමින් නං  බිංදු අනවශ්‍ය දේවල පැටලිලා හිටියේ නැනේව..."

ගමන් තෙහෙට්ටුව නිසා තරමක් කලුවන් වී තිබු මුල් ගුරුතුමාගේ වත ඇසූ දෙයින් තව තවත් අඳුරු විය.

" සියදොරිස් උන්නැහේට හෙට උදැහැනම පොලොසියට එන්ටය කියාලයි උන්දැල ගොහින් තියෙන්නේ.."

" එත් අපේ හාමුදුරුවනේ මේ බලාන ඉන්ට හොඳ කාලයන් නේවෙයි නේව..දැන් අහන්ට දකින්ට වෙලා තියෙන ඒව්වයේ හැටියට..."

" ලොකු ඉස්කොලේ මහත්තයෝ ඔය බිංදු කොලුව ඉගෙන ගන්ට දස්ස  එකාවෙච්චි කොට...ඔව්වට ඉරිසියා කොරන එව්වො මේ යායේ නැතුවයෑ....ඉස්කොලේ මහත්තයත් පොඩ්ඩක් විපරමින් ඉන්ටකෝ...."

" එහේමයි අපේ හාමුදුරුවනේ...දැන් අපි මොකෑ මෙකට කොරන්නේ...."

" ම්....සියදොරිස් උන්නැහේට මං උපදෙස් ටිකක් දුන්ඥා..උදැහැනැක්කෙම පොලොසියට යන්ටය කියාලා අපි පොඩියක් හෙට වෙනකං ඉවසමුකෝ......"


විරාමය......



Thursday, July 26, 2012

ඇනොනිමස් ගෙන් Raj ට ලියුමක්...!!!



 හිතවත් Raj
                         
    ඔය උඩින් හිතවත් කියල ලිව්වේ අපි ඉස්කොලේ ගිය කාලේ ලියුං ලියන්ඩ පුරුදු වෙනකොට හිතවත් කියන කැල්ල දාන හින්ද මිසක්, උඹත් එක්ක මොන හිතවත්කමක්  ද මට . උඹ දන්නවද මම මේ ලියුම ලියන්ඩ හිතුවේ ඇයි කියල... අනික තෝ හිනෙන්වත් හිතන්ඩ නැතුව ඇති මං වගේ පොරක්ගෙන් ලියුමක් ලැබෙයි කියල නේද..? හික් කමක් නෑ දැන් ඉතින් පස්ස වනං ප්‍රිතියෙන් උඩපනින්ඩ ඔනනෑ.
                                      
                                   උඹ යකෝ ඉස්සර සිංහල බ්ලොග් සිංඩිය කියව කියව හිටපු එකානේ.අනික තොට මතකද බ්ලොග් ගඩොල්  මාරයා වගේ එවුන්ගේ බ්ලොග් පොස්ට් නිතරම කියෙව්වා.අන්න එහේම ඉන්න කොට තමයි බ්ලොග් ලියන විකාර අදහස තොගේ ඔලුවටත් ගැහුවේ.  
                    
                                  " පොඩියට වැඩක් පටන්ගන්ඩ ට්‍රයි එක " කියලනේ උඹ පටන්ගත්තේ දැන් උබේ වැඩේ සාර්ථකද...? හික් මේ ලියුම දකින මොලයක් තියෙන මිනිස්සු කමෙන්ට් එකක් විදිහට දායි උඹ ආපු ගමන කොච්චර සාර්ථකද කියල හේක් හේක්..  අපි බලමුකෝ....
                         
                                   උඹට මුලින් ඔන උනේ උබලගේ අර සොසයිටියෙන් කොරපු ප්‍රොග්‍රැම් මාකට් කරන්ඩනේ..එත් ඇයි උඹ  තාරුණ්‍යයේ අවකාශය කියල මහලොකු හැල්ලක් උඩින් දමාගත්තේ...හික් මට හිතාගන්ඩ පුලුවන් මොකද උඹ ලියන දෙවල් වෙනස් කලේ කියලා උඹට ඔන උනා තාරුණ්‍ය කියන යක්ශයාව අතකොලුවක් කරගෙන ඌ වටේ තියෙන විශබීජ උබේ කෙහෙල්මල් බ්ලොග් එක කියවන එවුන්ගේ ඔලුවලට දාන්ඩ..
      
එහේම නේද....හේක්...හෙක්...

                            අනික උබට ලියන්ඩ මහලොකු රුදාවක් තිබ්බනම් මොනා හරි මගුලක් මෙකේ කුරුටුගාල නිකා ඉන්ඩ තිබුන එත් උබ මොකද කලේ... උඹට මතකම නැ, පොඩ්ඩක් කල්පනාකරල බලහං මතකද කොළඹ හිටපු බ්ලොග්කාරයන්ව ගාල්ලේ එක්කං ගියා
   
                             උංගේ වෙලාවත් කාලා පැය ගානක් චාටර් කරවල ගියා ගාලු......... යකො මිනිහෙකුට කරන්ඩ පුලුවන් දේවලුත් තියෙනව බැරි මගුල් නොකර සද්ද නැතුව හිටියනං අද මෙව්වා අහන්ඩ වෙන්නේ නෑනේ.අනික උඹ ඒකෙන් පාඩමක් ඉගෙනගත්තේ නෑ තව කොල්ලො කෙල්ලො ටිකක් අල්ලගෙන අවුරුදු උත්සවේකුත් කොලා..... අම්මපා උඹට වෙන වැඩක් නැද්ද පාඩුවේ ලියන මගුලක් ලියාගෙන හිටපංකො ..
                   
                               හේක් මට ආරංචි සයිබරේ ඉන්න අනිත් බ්ලොග් කාරයොත් අල්ලගෙන උබ තව නාඩගමක් නටන්ට ලැස්ති වෙනව කියලා...හොඳයි බලමුකො මම ඉන්නේත් උබලා අතරමනේ 
උබට මතකද උබේ නිවුන් සහොදරයා රාජ් ...මට හිතාගන්ඩ බැරි  තොපි දෙන්නා මරාගත්තේ නැත්තේ ඇයි කියලා ඇයි යකො එක නමින්ම තොපි දෙන්නා මේ සයිබරේ කරග්ගහන්නේ දැන්වත් මරාගනිල්ලා කෝ යකුනේ....
                              උබ මහලොකුවට බ්ලොග් ලියන්ඩ ගත්තට මොකද හැරිලා බලහං මේ අවුර්දු 2ටම තෝ ලියල තියෙන්නේ පොස්ට් 85 යි ඒව්වත් කියොලා තියෙන්නේ කියෙන් කීදෙනාද... යකො ස්තුතී කොරහං ඔය ඔක්කොටම උබේ ජරා බ්ලොග් පොස්ට් කියොනවට මෙතෙන්ට ඇවිත්.
                                
මොනා උනත් අද උඹේ බ්ලොග් එකට අවුරුදු 2ක් පිරෙනවනේ උඹට සුබ උපන්දිනයක් කියන්ඩයි මම මේ ලියුම එව්වේ. දැන්වත් මේ අටමගලේ අකුලගෙන පැත්තකවෙලා හිටහං හේක්..හෙක්...හේක්..

මීට
විෂ්වාසී
ඇනොනිමස්
  
Raj ගේ පාපොච්චාරණය....

ඉතින් යාලුවනේ මගේ බ්ලොග් එක පටන් අරන් අදට අවුරුදු 2ක් වෙනව. සයිබරයේ බ්ලොග් සමාජයෙන් ලත් දැනුවත් වීම්.... වින්දනය සහ අත්දැකුම් බොහොමයි...... මාගේ ලියුම් කෙරුම් තුලින් ඔබට යමක් ලැබුනාද යන්න තිරණය කල යුත්තේ ඔබමයි. සයිබරයේ මාගේ දායකත්වය ලබාදෙන්නට හැකිවූ සහ එවන් අවස්ථාවලදි මා සමග සහයොගයෙන් කටයුතුකල හැමොටමත්, මා කියවූ ඔබටත්,සයිබරයට මා ගෙනයන සියලූම සින්ඩි වලටත් බෙහේවින්ම ස්තුතී...!!!

ඒවගේම බස් රේඩියො නිර්මාණ තරඟයේදී කතාබස් සඳහා මාහට ආරධනා කිරිම සම්බන්දයෙන් ඔබටද බෙහෙවින් ස්තුතී [මේ සඳහා මා සමග අසරණයා වගේම පවනි තරංගාත් සහභාගි වුනා ]




ඉතින් වෙනදා වගේම නව පොස්ට් එකකින් නැවත හමුවෙමු....ජය.!!!



Tuesday, July 24, 2012

අලුත් පරම්පරාවක්.........




මහ උන්දැලා පුරසාරම්                                             දෙඩුවාට
තටම තටම බොරු පොරොන්දු                                  දුන්නාට
උගුර කඩං අඩි පොලොවේ                                       ගැහුවාට
ඔහොම වෙයි කියා අපි දැන                                     උන්නාය

මුංගේ බින්න ලක් වැසියෝ                                      ඉහිලුවට
නැහැ ඉවසන්නේ ලක් මව තව ඒ                                 බින්න
වැස්ස වලාහක දේවිත් අහක බැලුව                                කල
ඉරි තැලි තැලි වියැලෙයි අපේ වෙලී                                 ටික

රජුගේ වටේ ඉන්නා කෙවට්ට                                          රැල
කිය කිය යනව රට හැමැතැන                                හැමොටම
සරුව පිත්තලෙන් ඇඹුවට ඔය                                   කෙප්ප
හරියට කලා නම් සිදුවෙද මේ                                      ලෙසට

සංවර්ධන නාමෙන් ගොඩ නැගු                                    එව්වා
කෙරවලපිටියේ ආයෙත් පණ                                  ඇදෙනවා
නොරොච්චොලේ කැහැ කැහැ හති                             දානවා
ඔන්න අපේ විදුලිය රැ                                           කැපෙනවා

පුවතක් තියේ ලයිට් කපනවා                                 කියලා
පවුල් අවුල් විසඳෙනවා ඒක                                    නිසා
පොඩි උන් රැට ඉක්මනටම                               නිදියනවා
පරම්පරාවක් අලුතෙන්                                     උපදිනවා




Monday, July 16, 2012

බිංදු - 7





මුලු මීකිරි යායටම තිබූ එකම සිල්ලර කඩය සුමනදාසගේය. මහවැලියේ මහත්තුරු ගමේ කුඹුරු යායට වැව් වතුර හරවා හැදු බන්ට් එක, ගම හරහා කරත්ත පාර හරස්වන පාලං හන්දියේ සුමනදාස තම කඩය කරගෙන ගියේය.
  
උදැසන සිට එකදිගට ඇදවැටුන කාෂ්ඨක අවුරැල්ල තුනීවි වැව්දිය තෙමා හමා එන සුලඟින් ගම්මානය තරමක් සිසිල්වි ඇත. යායේ තැනින් තැන කුප්පි ලාම්පු එලි දැල්වෙන්නට පටන්ගෙන ඇති අයුරින් කියැවෙන්නේ රාත්‍රිය කෙමෙන් කෙමෙන් ගම වෙලාගන්නට සැරසෙන බවකි.
  
කඩය වැසීමට තව හොරා කිහිපයක්ම තිබූ බැවින් සුමනදාස පැට්‍රොමැක්ෂ් ලාම්පුවට හුලං ගැසීමට පටන්ගත්තේය. කරත්ත පාරට පිටුපා තම වැඩෙහිම අවධානය යොදමින් සිටි සුමනදාසට ආගන්තුක තරුණයා තමන් අසලට පැමිනෙන තෙක් ම ඒ බවක් නොදැනින.
  
" සුමනදාස මහත්තයෝ.....වෙළඳාම එහෙම සරු ඇති නේද...."

   කලිසන් සාක්කු දෙකෙහිම දේඅත් සිරකොටගෙන සිටි තරුණයා සරදම් සිනහවක් පැවේය

" හෙම්...එහේමටෙයි කියලා සරුවක් නෑ මහත්තයො....ම්..ඒත් මේ මහත්තයා ගැන මට එච්චරට නිච්චියක් නෑ නේව...."

පැක්ට්‍රො මැක්ෂ් ලාම්පුවට ගිනිහුලක් එක්කල සුමනදාස එළිය විහිදුවන ලාම්පුව කඩ පියස්සේ සුපුරුදු කොක්කේ එල්ලීය.

  " හෙක්..හෙක් මගෙන් වැඩක් නෑ   සුමනදාස  උන්නැහේ, මෙන්න මේ කඩදාසියේ තියෙන විදිහට වැඩ සිද්දවෙන්ඩ ඔනෑ..එච්චරයි."

කලිසන් සාක්කුව තුල සිරවී තිබු එක් අතක් ඉන් නිදහස් කල තරුණයා කුඩා තුන්ඩුවක් සුමනදාසට දිගුකලේය.

" ම්හුක්....මගේ කඩකැල්ල වහන්ට.....ඔහේ කවුද මේ කොහේවත් ඉන්න එකාල කියන පදේට නටන්ට අපි මොකා කියලැයි හිතේ..."

තරමක් විස්මයටත් කොපයටත් පත් සුමනදාසගේ වතට රකුසු වෙසක් ආරුඩවීය

" මේ සුමනදාස, තමුසෙට හොඳින් කිව්වේ වැඩිය දඟලන්ඩ ආවොත් වැඩ වරදී...තව විනාඩි 10ක් යන්ඩ කලින් කඩේ වහන්ඩ ඔනේ පේනවනේ අතේ තියෙන බාන්ඩේ. තමුසෙට යහතින් ඉන්ඩ ඔනේ නම් අද ඉඳලා අපි කියන විදිහට වැඩ කෙරෙන්ඩ ඔන.... ආයි කියන්ඩ එපා අපි කිව්වේ නෑ කියල හරිද..."

  මෙතෙක් කලිසන් සාක්කුවේ අනෙක් අතේහි සඟවාගෙන සිටි  අත්බොම්බයක් ඉන් ඉවතට ගත් තරුණයා සුමනදාසට තර්ජනය කොට, විමසුම් දෙනෙතින් කරත්ත පාර දෙපස බලා.... බන්ට් එක දිගේ ගොස් ලඳු කැලයට රිංගීය.

.........................................................

" බංඩෝ අර උක්කුවා මොකද්ද බං ඒපාර අල්ලන්ට තනන්නේ..ඌ දැං ඉස්කොලේ වැඩ කොරන්නේත් නැදද කොහේදෝ. පාඩං වැඩ කොරන්ට ඒකා පංසල පැත්තේ ආවෙත් නෑනේව.
 
  වෙල් උදැල්ලෙන් වල් රහිමින් සිටි බිංදු තමන් හා හරි හරියට පොලවත් සමග ඔට්ටුවන අතිජාත මිත්‍රයාගෙන් තෙපලාය.

   "මයෙත් එක්කං එකා ඔය ගැන කුටු කුටු ගෑවා.... ඔං එකාට ඔනැන්නේ උබවත් ඒ කාන්ඩෙට එක්කාසු කොරගන්ට නේව."

  නලල් තලය දෙපසින් බේරෙන දාබිඳු අත්ලෙන් පිසදැමූ බංඩා සරං කෙටියෙහි අත්ල පිසදැමීය .

"අපිට මේ වෙලා තියෙන සංගෙදිය මදෑ බං.... අනික ඌ කතා කොරන්නේ රට අල්ලන්ට නේව..ඔව්වට උඩගෙඩි දෙන්ට ගොහිල්ලා වෙන්නේ විභාගේ හරියට කොරගන්ට බැරිවෙන එක නොවැ බං....."

  "ඔවු බිංදු, අපි කොහොමෙන් හරි විභාගේ පාස්වෙන්ට ඔනෑ, ලොකු ඉස්කොලේ මහත්තයා.... එතකොට ලොකු හාමුදුරුවො උඹේ අම්මා හිට බලාන ඉන්නේ උඹ ඉහලින්ම ඇස් ඇස් සීය පාස්වෙනකන් නේව බං"

 " හේම්...මං දන්නවා බං මයේ තාත්තා කොහේ හරි හිට අපි දිහා බලාන ඉන්න විත්තිය ...ම්..බංඩො කලුවර වැටිගෙන නෙව එන්නේ හනික යමං නාගන්ට......'

..................................................... 

 
    " හේක්..ගුනපාල ආරංචිද වැඩේ...."

කෙසෙල් කැන් බැඳ තිබූ ලනු කැරැල්ල ඔතමින් සිටි ගුනපාල තම කාරිය නවතා මදකට හිස එසවීය

" ඈ මුදලාලි ඒපාර මක්කෙයි වෙලා තියෙන්නේ.........."

" අද හවහා අර සුමනදාසයගේ කඩ කැල්ල වහන්ටය කියාලා තුන්ඩු කැල්ලක් දිලානේව අර ඉලංදාරි........"

" හෑ හපොයි ඒ පොරිසාදයෝ අපේ යායටත් පැනලද මුදලාලි ඒපාර............"

" දෙසවන් අදහා ගත නොහී ගුනපාල තුස්නීම් භූත විය...."

" හේ...හේ උඹ මොකටැයි කල බොල වෙන්නේ ඔකූන් ආව එකෙන් අපිටමයි බොල වාසිය හිටහංකො පොඩියක්........හේක්.............හෙක්..."

තම ලොරියටම හෙත්තූවී සුරුට්ටුවක් දල්වාගත් ජෙමිස් මුදලාලිගේ කපටි දෙනෙත් තාරුකා මෙන් බැබලීය.


විරාමය.....


Wednesday, July 11, 2012

ආ....ද...ර...ය.... කෙස් ගහෙන් මිස් උනොත් බූට් එකක්....


ආ....ද...ර...ය....

කල්ප

රාගැනිම්          

රාගය

ල්පැනීම්   





කෙස් ගහෙන් මිස් උනොත් බූට් එකක්....

ආදරය කියන වචනයේ තියෙන අකුරු 4 ර අතරේ ඔය ඉහලින් ලියලා තියෙන වචන සැඟවිලා නෑ කියල ඔබ හිතනවද....? 

සිතිවිලි අතරේ කිමිදිලා ඉන්න වෙලාවක මට එහේම හිතුනා

පොඩ්ඩක් හිතල බලන්න ඔය වචන අතර ආදරය දොලනය වෙන්නේ නැද්ද කියලා..............

අනික ඔය වචන වල ගැඹුරට කිඳා බැස්සොත් ඔබට නොහිතෙන එකක් නෑ  කාපු බූට් එකකට මුල් උනේ ඔය වචනයක්ම නේද කියලා.

හොඳයි උදාහරණයක් විදිහට ආකල්ප කියන මූලය ගන්ට ආදරයක් ඇතිවෙලා කෙල්ල එක්ක හරි කොල්ල එක්ක හරි ලස්සනට ආදරය ගලාන යනකොට ඔබෙ ඔලුවට වෙනස් විදිහේ සිතිවිල්ලක් පහලවෙනවා........
       
         ඒ කියන්නේ ආකල්පමය වෙනසකට ඔබ මුහුන දෙනව ඉතින් ඔබේ ඇතිවෙන වෙනස් වීම හේතුවෙන් ආදරයට තීත වැටෙන්ට බැරිද...?

ඒ වගේම ආකල්ප වෙනස් වීම නිසා වැනි වැනි ඉස්සරහට ගිය ආදරය දළුදාල ශක්තිමත්ව ඉස්සරහට යන්ට පටන්ගත්තොත් එකත් පුදුමයක් නෙමෙයි නෙද......?
 
  
ඉතින් මේ අපූරු වචන හතර ගැන ඔබට හිතෙන්නේ කොයි විදිහටද.....?


හොව් පොඩියකට නැවතිලා නිවිහැනහිල්ලේ පොඩ්ඩක් හිතන්ට ගැඹුරට.


මේ වචන 4 ර හරියට බැලන්ස් උනොත් ආදරේ සුන්දර කරගන්ට නොකැකි වෙන් නෑ නොවෙද..?


ඔබේ අදහසත්  පහලින් කෙටුවොත් අන්තිමට අපිට සුපිරි විසඳුමක් ලැබෙන එක සිකුරුයි..!!!!!!



        

Sunday, July 8, 2012

බිංදු - 6


5 වන දිගහැරුම

ජෙමිස් සිංඥො පිටගං කාරයෙක් වුව  මීකිරියාය  අවට ගම්තුලානේ මුල් ගං කාරයන් ඔහුව ජෙමිස් මුදලාලි යනුවෙන් ඇමතිමට පුරුද්දක් කොටගත්තේ පසුව ඔහු ගඩොල් පොරනුවක අයිතිකාරයෙකු වූ බැවිනි.ජයටම ගඩොල් කරුමාණ්තය කරගෙන ගිය ජෙමිස් සිංඥො පසුව තම ලොරි මගින්  කෙසෙල් එලවළු සිදාදියට පැටවිමෙන් ඉමහත් ලාබයක් ඉපැයීය. බිංදුගේ බාප්පා වන ගුනපාල ද ජෙමිස් මුදලාලිගේ ලොරියේ උපකාරයෙන් කෙසෙල් වෙලඳාම කරගෙන ගිය කිහිපදෙනා අතරින් එකේකි.
                            පනස් විය ඉක්මවා සිටි ජෙමිස් මුදලාලි ගැහැනු ලොලියෙකි, තම බිරිඳ අකාලයේ මියගිය පසුත් ඔහුගේ මෙම පුරුද්ද මගහැරුනේ නැත.තම එකම පුත්‍රයා සිදාදියේ බොඩිං කොලිජියක නවතා ඇති ජෙමිස් සිංඥො තුන් මසකට පමණ වරක් පුත්‍රයා බැලීමට සිදාදියට යයි.

ටක්...ටක්..ටොක්............

" බිසෝ මැනිකා...කොබං උඹලා...කෝ මේ ගෙදර කවුරුවත් නැතුවාවත්ද...........? "

  එළවළු  මල්ලේ බර වමතින් දැරු ජෙමිස් මුදලාලි  දකුනතින් ගෙපැලේ ඉදිරි දොරට කිහිපවරක් තට්ටු කලේය  

  ක්.....කවුද තාත්ත ගෙදර නෑනොවැ...හේනට ගෙහුං..

ගෙයි ඉදිරි දොර අගුල පැන්නු බිසෝ දොර මදක් විවරකලේය

ආ..එකට කාරිනෑ උඹ ඉන්නවනේව බිසෝ.., මං මේ උඹව මුනගැහෙන්ට ඔං ආවේ....මෙන්න මේ එළවළු මල්ල ගෙයිං තියහං....

අතැවූ මල්ල බිසෝ වෙතට දික්කල ජෙමිස් මුදලාලි ආරාධනයක් නොලැබම ඉදිරි පිල්කඩෙහි වාඩිවිය.

" ඒත් මුදලාලි අපට මොටැ මෙච්චර එලවළු මුදලාලි ඔව ගෙදර ඇන්න යන්ට..."

තැතිගැන්මෙන් උස්පහත්වන ලය මඩලෙන් යුත් බිසෝ දොරපියස්සට බරදුන්නේය

" හා..හා කාරිනෑ  උඹලාට දැං වියපැහැදනුත් අමාරු එකේ ඔන්න ඔව ටික තියා ගනිං බං..."

තැතිගැන්මෙන් උස්පහත්වන බිසොගේ ලැම දෙසබලමින් ජෙමිස් සිංඥො කැදර සිනහවක් පැවේය

" අනේ මුදලාලි මේ අවෙලාවේ අනික තාත්තත් ගෙදර නැති කොට ගමේ එකාල හේම දැක්කොතින් යායේ වසලා හමාරයි. මු.......මුදලාලි දැන් යන්ට මං තාත්තා ආ හැටියේ කියඥා මුදලාලි ඇවිත් ගියවග....."

දොරපියන තරයේ අල්වාගත් බිසෝ තැතිගත් දෙනෙතින් යුක්තව ගේ ඉදිරියෙන් දිවෙන කරත්තපාර දෙස විපරමින් බැලීය

" හේක්..හේක්.....හරි හරි බං කළබොල වෙන්ට කාරිනෑ සියදොරිස් උන්නැහෙට කියහං..මං කිව්වා කියලා, උඹට ගඩොල් පොරනුවේ වැඩට එන්ට කියලා
   එත් මං මේ අපේ ගුනපාලයාට තියෙන ලෙංගතු කොමට උබට මේ චැන්ස් එක දුන්නේ..............ම් හෙට අනිද්දාට වැඩට වරෙංකෝ..එහේඥං මං ගෙහුං එන්නා."
  
ගොරකා පැහැ දෙනෙතින් බිසෝ විනිවිදයන බැල්මක් හෙලු ජෙමිස් සිංඥො පිල්කඩෙන් බැසගියේය.

------------------------------

 "උක්කුවා මල්ලි රැ පංතියට තව දෙතුන් දෙනෙක් එක්කාසු කොරගන්ට ඔන නැත්නම් අපේ ඉදිරි වැඩ ටිකක් අමාරුවෙන්ට පුලුවනි.පංතියට ලමයි වැඩිවෙන තරමට අපි දිනුං බං 
  අනික නායකතුමත් මලයා ගැන පැහැදිලා ඉන්නේ ඔන්න ඉස්සරහට මේ කන්ඩායමේ නායකත්වය මලයට ලැබෙන්ඩ පුලුවන්"  

 කෙස්ස දිගට වවා අත්දිග කමිසයක් සහ දිගකලිසමක් හැඳසිටි තරුණයා උක්කුවාගේ පිටට තට්ටුවක් දමා මඳ සිනහවක් පැවේය

 " ඔය ඇත්තේයි අයියේ අපේ බිංදුවාට වත් තාම මේගැන කියන්ට බැරිඋනා නේව හැබැ ඌ කැමතිනං අපිට තව කාන්ඩේ වැඩිකොර ගන්ට ඒහැටි අමාරුවෙන්නැ.."
  
 උද්දාමයට පත් උක්කුවා තරුණයාගේ දේඅත් දැඩිව අල්ලා ගත්තේය

" ම්..හරි මලයා දැන් යන්ඩ කවුරුහරි දැක්කොත් අපි ගැන සැකහිතන්ට පුලුවන්..එහේනම් හරිවෙලාවට පංතියෙදි මුනගැහේමු..."

උක්කුවා තරයේ අල්ලාගෙන සිටි තම දැත් නිදහස් කොටගත් ජගත්...උක්කුවාට සමුදි වැකන්ඩිය දිගේ මදක් ඉදිරියට ඇවිද ඝනදුර සමග මුසුවිය
  
 රටතුලැ නැවතත් තරුණ සංවිධානය ටිකෙන් ටික අතු ඉති ලියලා වැඩෙන්නට වූ සමයේ...තැනින් තැන මතුව ආ භිෂනයේ බළල් අත් මීකිරියාය දෙසටත් සෙමින් සෙමින් කාන්දුවන්නට පටන්ගත්තේය.

-------------------------  

පාසැල ඇරි ගෙදර එන බිංදු තම අතිජාත මිත්‍රයා වන බන්ඩා සමගින් තම අත්තාට හරි හරියට උදවු වෙමින් හේන සරුකර ගැනිමට මහත් වෙහෙසක් ගත්තේය.

" ඒකයැ තාත්තේ අද ජෙමිස් මුදලාලි කඩාපාත් උනානේව...."

 කුරහන් තලපය හොඳහැටි අනමින් තැටිය මත ඇතුරු බිසෝ හඬ අවදිකලේය

 " ඈ..බං එහේනං උන්දැ මේ පැත්තටත් දක්කන්ටයි ඔය දඟලන්නේ ම්..මොකැ උන්දැ කියන්නේ ඒ ගමන"

උදැසන සිට විඩාපත්වු තම දෙපා තුලින් සියුම් වෙදනාවක් ගෙන දෙන්නට වූ බැවින් හිරමංකොටය උඩැ හිඳසිටි සියදොරිස් දැතින්ම දෙකකුල් පිරිමදින්නට වුවාය

" අප්පේ හරිම අමාරුවෙන් නොවැ උන්දැව පිටමං කොරගත්තේ...උන්දැගේ ගඩොල් පොරනුවේ වැඩට එන්ටලු...මං ගිනිපත්තුවෙලා උන්නේ යායේ එකෙක් දැක්කාඥං කියාලා..."  

 මැටිකොප්පයේ වතුරෙන් දැත දොවාගත් බිසෝ මෙතෙක් නලලේ දැවටි දැවටි දඟ දෙන කෙස් රොද කං පියත්තේ රුවාගත්තේය

" හෙම්..ඔකා නයා වගේ එකානෙව බං මගඇරල ඉන්න එකමයි කාරිය...මං හිතාන ඉන්නේ අම්මටත් මෙහේ ඇවිත් ඉන්ට කියන්ඩයි...ම් බලමුකො එනහැටියක්..කෝ අද මේ කොලුවත් සුනංගු නේව..." 

සුසුමක් හෙලු සියදොරිස් බුලත් හෙප්පුවත් ගෙන ඉදිරි පිල්කඩ දෙසට පියනැගීය... 


විරාමය...




Monday, July 2, 2012

ඔට්ටුයි බැරුවට බොලේ කලු කොරන්ට………..



  මෙයින් සියවස් කිහිපයකට පෙර ලොකය අදට වඩා නිල්පාටට තිබුනා කියල තමයි අපේ කිරි අත්තා නම් කියන්නේ.ඉන්දුනිම්න මෙසපොතෙමියානු මොහෙන්දජාරෝ වගේ දියුනු ශිෂ්ඨාචාර ආසියාව පුරා පැතිරිලා තිබුන බව ඉස්සර ඉස්කොලේ යන කාලේ අපේ සාමාජ අධ්‍යනය ඉතිහාසේ උගන්නපු සර් කියල දුන් හැටි යන්තමට වගේ මතකයි

   ඔන්න ඔහොම දින වක වානු ගෙවොගෙන යන කොට ලොකේ බටහිරට වෙන්ට කාර්මික විප්ලවය කියල එකක් ඇතිවෙලා නේව. බටහිර ඇත්තෝ අර විදිහේ එක එක වික්‍රම  සිද්ද කොරාගෙන යන අල්ලපනල්ලේ අච්චර දියුනු යුග පහු කොරාගෙන ආපු ආසියාතිකරේ ඈයො තමන්ගේ මුතුන් මිත්තො කරපුව කියපුව ගැන පම්පොරි ගැහුව මිසක්කා අනාගත සුබසිද්දියට කොරපු බක්කක් නෑලු.

   අරුම පුදුම එක එක එව්වා හදාගත්තට පස්සේ බටහිර ඇත්තන්ට ඔනැ උනා බොලයක් වුන ලොකේ වටේ සවාරි ගහන්ට. ඒවිතරක් නම් මදැ ඔහොම   සක්කොලන් ගහන කොට අහුවෙච්චි අහුවෙච්චි ගොඩබිම් කෑලි තමන්ගේ කොරාගන්ටත් මේ ඇත්තො අමතක කොලේ නෑලු අයිබොවන්ඩ. අන්තිමට ආසියාතිකරේ හිටපු ගොඩක් දෙනාට සිද්ද උනා ලූ තමන්ගේ රටවල් පර දෙසක්කරෙන් ආපු ඈයන්ට දන්දිලා උන්දැලටම දතනියවන්ට.

  අර කීව බටහිර ඇත්තෝ ආසියාකරේ ගොඩබිම් කැලි තමන්ගේ කොරගෙන නිකාටියේ නෑලූ, මුලින්ම කොලේ ආසියාකරෙ මුල් අයිතිකාරයන් අතර ජාතිබෙද වපුරවලා ඔවුන්ට ආදිකාලේ ශක්තියක් වෙලා තිබ්බ සමගිය නැතිකොරන එකයිලූ. පස්සෙන් පහු අර ශක්තිමත් පදනමක් වැටිලා තිබිච්චි ශිෂ්ඨාචාරයේ දැනුම හොරෙන්ම තමන්ගේ දෙශයට අරගෙන ගියාලූ නේව.. ඔය හොරෙන් කිව්වට කීප පොලක්ම දැනගෙන හිටියාලූ මේ වැඩේ නමුත් ඒ දැනගෙන හිටිය ඈයන්ව පරදේශක්කාර උන්දැල දැපනේ දාගෙන හිටිය නිසා වෙච්චි අකටයුතු කම්වලට විරුද්ධ වෙන්ට කවුරුත් උනන්දු උනේ නෑලූ.

   කොරමෙන් කොරමෙන් ඔය බටහිර උන්දල බලයෙන් දනයෙන් ශක්තිමත් වෙලා,  අන්තිමට එයාල ආසියා කරේ අත හැරල යනකොට ඉතුරු කොරල ගිය බොහොමයක් දේවල් හරියට අර... ගොයන් කැපුවට පස්සේ ඉතිරි වෙච්චි ඉපනැල්ල වගේලූ,  මොකැ බැලුවම ඈතට හරි ලස්සනයි හැබැ ලංවෙලා බැලුවොත් අහම්බෙන් ඉතිරිවෙච්චි වී කරලක් ඇරෙන්ට අනිත් ඔක්කොම පිදුරු නොවැ ඒකයි.   

     ඔය බටහිර ඇත්තො සෙල්ලම් කොරන්ට හරිම කැමතී ලූ නෙව.  ඒයාලගේ අලූත්ම සෙල්ලම තමාලූ ඔං අපි කලුකොරඥං ඔයාල නිල්පාට කොරන්ට කියන සෙල්ලම. බටහිර ඇත්තො නිල්පාට ගොලේ කලුපාට කොරන්ට හරිම දස්සයි කියනව නේව.. ඉතින් උන්දැල කරන්නේ පුලුවන් තරම් කලු කොරන එකලූ... එහේව් කොරල රජ සැප විඳින්ටත් ඒයාල පසුබට වෙන්නේ නෑ කියනව නෙව. නමුත් ආසියාකරේ ඇයන්ට රජ සැප විඳින්ට අකැපයිලූ,  හැබෑ බොලේ පුලුවන් තරං නිල්පාට කොරන්ට වැඩ කොරන එක තමාලූ ඒයාලගේ රාජකාරිය.


අන්තෝ ජටා බහිජටා කිව්ව.................ලූ