Monday, March 3, 2014

සිරා ලමයගේ ඡ්න්ද සටන..............




ආරොං අයියගේ බාල  පුතන්ඩියා
කසිප්පු පෙරලා ගමට  බෙදන්නියා
පොලොසියෙන් පැන කුදලන් යන්නියා
දහ මාසයකට හිරේ ලගින්නියා

මහර මහගෙදර සැමදා පොලිමකි
ජම්පර ගැසූ මහතුන් වෙති තැටි අතැති
හොඳ හොඳ විසිට් ඒ අතරින් ඇතුල් වෙති
මුට්ටිය අඩියේ බඩු මිටි සහ ජංගමෙකි

මහගෙදරට සිරා ඇවිත් මාස පහක් ගතවුනා
ගහට ගහක් මොරටුවේ මෙන් ගජ මිතුරන් හමුවුනා
අලුත් ගේම් එකක් දෙන්න කස්ටිය කතිකා උනා
මේදා සැරේ එලියට විත් සත්ගුනවත් වෙමි මෙමා

කොයි කාටත් හොර රහසේ දහමාසය ගතවුනා
නැෂනල් කිට් එකට බැහැපු සිරා ලමයා පැමිනියා
අලුත් ඡ්න්දේ අතලඟ බැව් වැර්ලසේ මොරදෙනා
හිනා කටයි සිරාගේ වත බොක්කුවල ඇලවුනා

හරක් පට්ටිවල හරකුන් අතුරුදහන් කෙරුවේ කවුද
කැකිරි පිපිඤ්ඤා කැව්වට බඩගින්දර නිවෙනවාද
රට රස්සාවල් දුන්නට ගමේ උන්ට හරි ගියාද
අබිලින්ගේ කෙප්ප වලට මේ පාරත් අහුවෙනවද

හොරකසිප්පු ජාවාරම ගමෙන් තුරං කරනවා මං
බිඩි සුරුට්ටුයි අබිනුයි අතුගාලා දානවා මං
ලෝකේ පැරණි රස්සාවට නංගිලාව දෙන්නෑ මං
කුඩු පැනි ටැබ්ලට් අරක්කු ගමට ගෙන්නෙත් නෑ මං

අම්මේ තාත්තේ මාමේ නංගි මල්ලි මේ   අහන්න
මා දිනුවොත් ඔබත් දිනුම් එපා දෙපාරක් හිතන්න
අටේ ඉලක්කමට කෙලින් කතිර ලකුන දමා යන්න
සත්ගුනවත් සිරා ලමයා කවුන්සලේටම අරින්න